Gratë në shtetin jugor indian, Kerala, e kanë formuar një zingjir njerëzor prej 620 kilometrash në përkrahje të barazisë gjinore, duke kërkuar qasje në një tempull të besimit të tyre. Tempulli “Sabarimala” ka qenë historikisht i ndaluar për gratë e moshës 10 deri 50 vjeçare.
Gjykata e Lartë e Indisë kishte marrë vendim në shtatorin e vitit të kaluar që ua lejonte hyrjen në këtë tempull edhe grave, por që nga ajo kohë gratë po sulmohen nga protestuesit që e kundërshtojnë vendimin e gjykatës. “Muri i grave” si mënyrë e veçantë e protestës u organizua nga koalicioni i majtë qeveritar.
Zyrtarët kanë njoftuar se rreth pesë milionë gra kanë ardhur nga vende të ndryshme dhe janë vendosur nëpër autostradat kombëtare për ta formuar zingjirin e gjatë. Numri i pjesëmarrësve ishte më i madh sesa parashikimi i organizatorëve, të cilët kishin pritur pjesëmarrjen e tre milionë grave.
Shkak i mospajtimeve për këtë tempull është bërë vendimi i gjykatës, në njërën anë, dhe qëndrimi i partisë në pushtet, në anën tjetër. Sipas kësaj partie, vendimi i gjykatës për t’i lejuar gratë në këtë tempull është shkelje e parimeve të hinduizmit, shkruan “BBC”.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...